Riba 25 di juni 2021 Aruba tin su eleccion. votaruba.org ta un tool cu ta bisa e usador, despues cu ela duna su opinion tocante diferente topiconan, cua partido politico e tin mas en comun cune. Na cada ponencia, y riba e pagina di resultado e usador por orienta ampliamente riba e punto di bista di tur partido.

votaruba.org ta solamente un parti di un decision conciente durante e eleccion. Por fabor consulta e programanan politico, debate y otro fuente di informacion pa haña un bista completo di tur e posicionnan di e partidonan politico

votaruba.org ta traha door di Fuente, un grupo di hoben Arubiano cu ta traha of studia na Hulanda, den colaboracion cu ProDemos. Fuente no ta afilia cu ningun partido politico. E focus di Fuente ta e bienestar di nos isla. E tecnologia tras di StemWijzer a ser desaroya door di ProDemos – Cas di democracia y estado di derecho. ProDemos ta un fundacion independiente y imparcial cu e meta pa informa hende tocante e estado democratico.

E redaccion di votaruba.org a scohe topiconan cu ta haya hopi atencion den politica y campaña na e momentonan aki, y expertonan na Aruba a wordo consulta den e proceso aki. Cu e informacion aki nan a traha un lista di setenta ponencia. Tur partido politico a haya e lista ak. Pa cada ponencia, e partidonan ta indica si nan ta di acuerdo, no di acuerdo, of si nan ta tuma un posicion neutral. Despues, votaruba.org a selecta 30 ponencia pa inclui den e lista final. Un criterio importante pa seleccion di e lista ta e diversidad di contesta di partidonan: si hopi partido tin e mesun punto di bista tocante un topico, e ponencia aki ta menos util pa votaruba.org.

E redaccion ta aspira pa construi ponencia cu ta cla y objectivo. Redaccion tambe a percura pa uza terminonan simpel.

Tur contesta riba e ponencianan ta bin directamente for di e partidonan y en algun caso e lidernan di e partido mes.

Tur partido cu ta participa den e eleccion ta inclui den votaruba.org. E partidonan, den orden alfabetico, ta: Accion 21, AVP, CURPA, HTC, MAS, MEP, POR, PPA, Pueblo Prome, RAIZ en RED, UPP

votaruba.org no ta un ‘black box’ cu ta bisa bo pa ken bo tin cu vota. votaruba.org ta un herment educativo cu ta yuda door di duna bo un comparacion entre e puntonan di bista di cada partido, y bo mes un posicion. Abo mes ta selecta bo preferencia pa cada ponencia, bo por indica cua ponencia bo ta haya extra importante, y tambe cua partido bo kier inclui den e resultado. Bo por opta pa inclui tur partido, pero tin hende lo prefera pa compara solamente algun partido cu otro, of kier sa mas tocante e opinion di e partidonan nobo. Pesey abo mes por selecta cua partido (minimo 3) bo kier inclui den bo resultado.

votaruba.org ta duna e opcionnan aki, pasobra esakinan ta e manera mas cla pa duna bo preferencia. Ademas esaki ta e mesun manera cu decisionnan ta wordo tuma den nos democracia. Na e mesun manera aki, nos parlamentarionan por vota pa of contra un ley of mocion. Den votaruba.org, e usuario por indica cua topiconan e ta haya mas imporante cu e otronan  despues di contesta tur ponencia, den e pantaya ‘Extra importante’.

votaruba.org ta duna e opcionnan aki, pasobra esakinan ta e manera mas cla pa duna bo preferencia. Ademas esaki ta e mesun manera cu decisionnan ta wordo tuma den nos democracia. Na e mesun manera aki, nos parlamentarionan por vota pa of contra un ley of mocion. Den votaruba.org, e usuario por indica cua topiconan e ta haya mas imporante cu e otronan  despues di contesta tur ponencia, den e pantaya ‘Extra importante’.

votaruba.org ta haci uzo di e metodo di similaridad. Tur ponencia cu bo ta contesta mescos cu un partido, ta conta manera un punto. Si bo a duna algun ponencia ‘extra importancia’ e ta conta dobel. Den e pantaya di resultado, votaruba.org ta mustra bo e partido cu bo tin mas en comun cu ne prome, sigui pa e di dos y di tres partido. Djey e aplicacion ta mustra bo e porcentahe di similaridad entre bo punto di bista y esun di e partidonan top 3, conforme cu bo respuestanan. Nos ta kere den transparencia total: abo mes por explora e resultadonan den tur detaye, y bo mes por compara bo mes un punto di bista cu e contesta di e partidonan.

votaruba.org ta uza 30 ponencia pa identifica cu cua partido abo tin mas en comun tocante diferente topico actual den nos eleccion. Pesei ta posibel cu bo resultado ta indica un partido cu bo no a spera. Aparentemente toch bo tin hopi en comun cu e partido aki, ora nos compara bo opinionnan tocante topico cu ta relevante actualmente.

Si bo a haya un resultado inespera, ta consehabel pa bo wak bon cua ponencianan bo a contesta mescos (y diferente!) cu e partido. Podise esaki ta pone bo pensa un mas ribo bo scohencia di partido politico, of e temanan cu abo ta haña importante.

Na e momento aki bo por consulta e clarificacion cu e partidonan ta duna. Si tin mester, bo por contesta ‘Ningun di dos’. Esaki ta depende completamente n’abo, y na e importancia cu bo ta duna e condicionnan.

votaruba.org ta busca topiconan distintivo cu ta refleha diferencianan (grandi) di opinion entre e partidonan. Tin algun ponencia cu casi tur partido ta faborece, manera sostenibilidad, of criminalidad. Pasobra e partidonan ta pensa mescos tocante e topiconan aki, nan no ta produci diferencianan cla y nos no por haci un distincion entre nan. Pa e motibo aki tin algun topico importante (manera seguridad y medio ambiente) cu no ta wordo trata den e lista di ponencia di votaruba.org.

Fuente ta un fundacion nonprofit. votaruba.org a wordo realisa cu e sosten financiero di: Aruba Bank, ArubaStakePool, Gianni’s Group, Guardian Group, HBN Law, Romar Trading, Super Food, Taco Bell y tur esnan cu a haci un donacion na nos campaña di GoFundMe. Masha danki!

No, no tin un app. Awendia nos por uza ‘responsive websites’ cu ta duna bo acceso na votaruba.org por medio di bo computer, tablet of smartphone facilmente.

Sigur cu si. Bo por haya votaruba.org riba Facebook y Instagram

Bo por haya tur informacion tocante di bo privacy den e Privacy- en Cookiestatement di e ProDemos StemWijzer

Bo por manda nos bo pregunta via Facebook of votaaruba@gmail.com Masha danki!